వన మహోత్సవం–2026లో భాగంగా నిర్మల్ జిల్లా ఎస్పీ డా. జి. జానకి షర్మిల, ఐపీఎస్ బుధవారం మహారాష్ట్ర సరిహద్దులోని తానూర్ పోలీస్ స్టేషన్ను సందర్శించి వార్షిక తనిఖీ నిర్వహించారు. ఈ సందర్భంగా పాఠశాల విద్యార్థులతో కలిసి సుమారు 300 మొక్కలు నాటారు. పర్యావరణ పరిరక్షణ ప్రతి ఒక్కరి సామాజిక బాధ్యత అని, ప్రతి విద్యార్థి కనీసం ఒక మొక్కను నాటి దానిని సంరక్షించాలని ఎస్పీ సూచించారు.
షాద్నగర్ పట్టణంలో రోడ్ల ఆక్రమణలు అధికారుల నిర్లక్ష్యం వల్లే జరుగుతున్నాయని, జీతాలు తీసుకుంటూ పని చేయకుండా కార్యాలయాల్లో కూర్చోవడం సరికాదని కార్మిక సంక్షేమ సంఘం రాష్ట్ర కన్వీనర్ పినపాక ప్రభాకర్ రావు అన్నారు. చౌరస్తా విస్తరణ కోసం ఏర్పాటు చేసిన సమావేశంలో ఆయన అధికారుల తీరుపై తీవ్ర అసహనం వ్యక్తం చేశారు.
సైబర్ మోసాల నెట్వర్క్ వెనుక సూత్రధారిగా వ్యవహరిస్తున్న 18 ఏళ్ల రోహిత్ శాక్యను గుజరాత్ సైబర్ క్రైమ్ పోలీసులు అరెస్ట్ చేశారు. 11వ తరగతితో చదువు ఆపేసిన ఈ యువకుడు, కోడింగ్, ఏఐ టెక్నాలజీతో బ్యాంకింగ్, ఆర్టీఓ పేరిట 121 నకిలీ యాప్లను తయారు చేశాడు.
అంతర్జాతీయంగా ముడి చమురు ధరలు బ్యారెల్ కు 90 డాలర్లను అధిగమించాయి. అమెరికా-ఇరాన్ మధ్య నెలకొన్న ఉద్రిక్తతలు, హోర్ముజ్ జలసంధి మూసివేత నేపథ్యంలో ఈ ధరల పెరుగుదల చోటుచేసుకుంది. దీని ప్రభావం భారత్ పై కూడా పడనుంది, పెట్రోల్, డీజిల్ ధరలు పెరిగే అవకాశం ఉందని నిపుణులు అంచనా వేస్తున్నారు.
ట్రైనీ ఐపీఎస్ అధికారి ఉదయ్ కృష్ణారెడ్డిపై నమోదైన కేసు దేశవ్యాప్తంగా చర్చనీయాంశంగా మారింది. ఈ నేపథ్యంలో మాజీ సీబీఐ డైరెక్టర్, రిటైర్డ్ ఐపీఎస్ అధికారి ఎం. నాగేశ్వరరావు సామాజిక మాధ్యమం ‘ఎక్స్’ వేదికగా స్పందిస్తూ, ఉదయ్ కృష్ణారెడ్డికి న్యాయం జరగాలని కోరారు. ప్రేమ సంబంధం విఫలమైతే దానిని నేర కేసుగా మార్చకూడదని, నిష్పాక్షిక దర్యాప్తు జరగాలని విజ్ఞప్తి చేశారు.
తానూర్ మండల సమాఖ్య కార్యాలయంలో బుధవారం జరిగిన విస్తృత స్థాయి సమావేశంలో స్వయం సహాయక సంఘాల (ఎస్హెచ్జీ) మహిళా ప్రతినిధులు నూతన కార్యవర్గాన్ని ఏకగ్రీవంగా ఎన్నుకున్నారు. ఈ సందర్భంగా జరిగిన చర్చల్లో 2025–26 ఆర్థిక సంవత్సర ప్రగతి నివేదికను సమీక్షించడంతో పాటు 2026–27 సంవత్సర కార్యాచరణ ప్రణాళికపై దృష్టి సారించారు.
నిర్మల్ జిల్లా ఎస్పీ డా. జి. జానకి షర్మిల ఐపీఎస్ బుధవారం భైంసా ఎస్పీ క్యాంపు కార్యాలయంలో నిర్వహించిన గ్రీవెన్స్ డే కార్యక్రమంలో ప్రజల నుంచి ఫిర్యాదులను స్వీకరించి, వాటి పరిష్కారానికి ప్రాధాన్యం ఇచ్చారు. భైంసా సబ్డివిజన్ పరిధిలోని వివిధ గ్రామాల నుంచి వచ్చిన ఆర్జిదారుల వినతులను పరిశీలించి, ప్రతి ఫిర్యాదుపై వెంటనే స్పందించారు.
జిల్లాలో భారత రెడ్క్రాస్ సంస్థ సభ్యత్వ నమోదు కార్యక్రమాన్ని జిల్లా ఉపాధి కల్పన అధికారి విజయలక్ష్మి బుధవారం జిల్లా విశ్రాంత ఉద్యోగుల సంఘ కార్యాలయంలో లాంఛనంగా ప్రారంభించారు. సామాజిక సేవా దృక్పథం కలిగిన వ్యక్తులు, స్వచ్ఛంద సంస్థల కార్యకర్తలు ముందుకు వచ్చి విరాళాలు అందజేసి సభ్యత్వం నమోదు చేసుకోవాలని ఆమె పిలుపునిచ్చారు.
ఖానాపూర్ పట్టణానికి చెందిన మాజీ మున్సిపల్ కౌన్సిలర్ కావలి సంతోష్ కుమారుడు కావలి విశ్వక్ ప్రతిష్ఠాత్మకమైన ఐఐటీ ఖరగ్పూర్లో సీటు సాధించి, ఇటీవల కళాశాలలో చేరినట్లు కుటుంబ సభ్యులు తెలిపారు. ఈ సందర్భంగా కుటుంబ సభ్యులు, బంధుమిత్రులు విశ్వక్ను అభినందించి, ఉన్నత విద్యలో మరిన్ని విజయాలు సాధించాలని ఆకాంక్షించారు.
మండల కేంద్రంలోని ప్రభుత్వ మోడల్ స్కూల్, జూనియర్ కళాశాలలో సమగ్ర శిక్ష ఆధ్వర్యంలో బుధవారం సామాజిక తనిఖీ (సోషల్ ఆడిట్) జరిగింది. పాఠశాల నిర్వహణ, విద్యా ప్రమాణాలు, మౌలిక సదుపాయాలు, నిధుల వినియోగం వంటి అంశాలపై అధికారులు సమీక్షించారు. విద్యార్థులు, తల్లిదండ్రుల అభిప్రాయాలను కూడా సేకరించారు.
ఖానాపూర్ మండలం బాదంకుర్తి గ్రామంలో బుధవారం పట్టపగలు ఓ కిరాణా దుకాణంలో చోరీ జరిగింది. దుండగులు తాళాలు పగులగొట్టి దుకాణంలోకి ప్రవేశించి సుమారు రూ.4 వేల విలువైన సరుకులను అపహరించారు. ఈ ఘటనతో గ్రామంలో ఆందోళన నెలకొంది.
ముధోల్ నియోజకవర్గంలో రైతులకు పంట నిల్వ సౌకర్యాలు మెరుగుపరిచేందుకు ప్రభుత్వం చర్యలు చేపట్టింది. మహాగాం గ్రామంలో 10 ఎకరాల ప్రభుత్వ భూమిలో గిడ్డంగుల నిర్మాణం చేపట్టేందుకు అధికారులు భూమిని పరిశీలించారు. ఎమ్మెల్యే పవార్ రామరావ్ పటేల్ విజ్ఞప్తి మేరకు ఈ ప్రక్రియ ప్రారంభమైంది.
ఢిల్లీలో నీట్ పరీక్ష అంశంపై నిరసన తెలిపిన కాంగ్రెస్ నాయకుడు రాహుల్ గాంధీని పోలీసులు అరెస్ట్ చేయడాన్ని నిరసిస్తూ నిర్మల్ పట్టణంలో మాజీ మంత్రి అల్లోల ఇంద్రకరణ్ రెడ్డి ఆధ్వర్యంలో నిరసన కార్యక్రమం జరిగింది. ఈ సందర్భంగా ప్రజా సమస్యలపై ప్రశ్నించే హక్కు ఉందని, ప్రతిపక్ష నాయకుడి అరెస్ట్ ప్రజాస్వామ్య విలువలకు విరుద్ధమని ఆయన అన్నారు.
ఎమ్మెల్యే పవార్ రామారావు పటేల్ సూచనల మేరకు భూ సర్వే
నిర్మల్ జిల్లా ఎల్ఎఫ్ఎల్ ప్రధానోపాధ్యాయుల ఫోరం జిల్లా ఎన్నికలు జిల్లా కేంద్రంలోని జమె రాత్పేట్ ఉన్నత పాఠశాలలో బుధవారం జరిగాయి. ఈ ఎన్నికల్లో షేక్ షబ్బీర్ అలీ గౌరవ అధ్యక్షులుగా, కారిగం ప్రవీణ్ కుమార్ అధ్యక్షులుగా, సామ దేవేందర్ రెడ్డి ప్రధాన కార్యదర్శిగా ఏకగ్రీవంగా ఎన్నికయ్యారు.
నిజామాబాద్ జిల్లా వేల్పూర్ రెవెన్యూ శివారులోని కుండలిని జ్ఞానయోగి అవధూత శ్రీశ్రీశ్రీ గోవిందగిరి స్వామి దివ్య యోగాశ్రమంలో సప్త భజనలు విజయవంతంగా 7 సంవత్సరాలు పూర్తి చేసుకున్న సందర్భంగా బెంగళూరుకు చెందిన ఆధ్యాత్మిక వక్త శ్రీ రాఘవేంద్ర స్వామి మాట్లాడుతూ, మనసును ప్రశాంతపరిచేవి భజనలే అని, కుటుంబ సమేతంగా పాల్గొనవలసిన సత్కార్యం ఈ సప్త భజన అని పేర్కొన్నారు.
నిర్మల్ జిల్లా కేంద్రంలోని సోఫీనగర్ జనరల్ బాలికల గురుకుల పాఠశాలలో వివిధ తరగతుల్లో ఖాళీగా ఉన్న సీట్లను భర్తీ చేయడానికి దరఖాస్తులను ఆహ్వానిస్తున్నారు. ఆరవ తరగతిలో 4, ఏడవ తరగతిలో 2, ఎనిమిదో తరగతిలో ఒక సీటు ఖాళీగా ఉన్నట్లు పాఠశాల ప్రిన్సిపల్ డేనియల్ తెలిపారు.
కడెం మండలం అంబర్పేట గ్రామంలో నల్ల పోచమ్మ అమ్మవారి విగ్రహ ప్రతిష్ఠాపన కార్యక్రమం గ్రామపంచాయతీ ఆధ్వర్యంలో ఘనంగా జరిగింది. పెద్దమనుషులు, ఆడపడుచులు, గ్రామస్థులు పెద్ద సంఖ్యలో పాల్గొని అమ్మవారి ఆశీస్సులు అందుకున్నారు.
తెలంగాణ యువతకు విదేశాలలో ఉపాధి అవకాశాలను మెరుగుపరిచే దిశగా తెలంగాణ ఓవర్సీస్ మ్యాన్పవర్ కంపెనీ లిమిటెడ్ (టామ్కామ్), కెరీర్ కన్సల్ట్జ్ సంస్థల మధ్య ఒక కీలక అవగాహన ఒప్పందం కుదిరింది. ఈ ఒప్పందం ద్వారా యువతకు నైపుణ్య శిక్షణ, భాషా శిక్షణ, వీసా సహాయం వంటి పలు సేవలు అందుబాటులోకి రానున్నాయి.
తానూర్ మండలం ఝరి ‘బి’ గ్రామంలో మిషన్ భగీరథ అధికారుల నిర్లక్ష్యం కారణంగా వేలాది లీటర్ల తాగునీరు వృథాగా పోతోంది. పైప్లైన్ లీకేజీల వల్ల శుద్ధి చేసిన నీరు వీధుల్లోకి చేరుతున్నా అధికారులు పట్టించుకోవడం లేదని గ్రామస్థులు ఆగ్రహం వ్యక్తం చేస్తున్నారు. ఈ సమస్యపై స్పందించాల్సిన అధికారులు స్పందించకపోవడంతో గ్రామపంచాయతీ సిబ్బంది రంగంలోకి దిగి మరమ్మతులు చేపట్టారు.