రైతుబంధు నిధులు విడుదల చేయాలి: మాజీ జెడ్పీటీసీ మనోహర్ రెడ్డి

కామారెడ్డి జిల్లా నాగిరెడ్డిపేటలో మాట్లాడుతూ, కాంగ్రెస్ ప్రభుత్వం ఎన్నికల ముందు ఇచ్చిన ఆరు గ్యారంటీల హామీలను, ముఖ్యంగా రైతులకు ఏకకాలంలో రెండు లక్షల రుణమాఫీ చేస్తామన్న హామీని నెరవేర్చడంలో విఫలమైందని మనోహర్ రెడ్డి విమర్శించారు. రుణమాఫీ పేరిట రైతులకు ఆంక్షలు విధించి, కేవలం కొద్దిమందికే ప్రయోజనం చేకూర్చిందని ఆరోపించారు.

రైతుబంధు కింద రూ. 15,000, కౌలు రైతులకు రూ. 12,000 ఇస్తామన్న హామీలు గాలిలో కలిసిపోయాయని, కళ్యాణలక్ష్మి, మహిళా పెన్షన్ వంటి హామీలు కూడా నెరవేరలేదని ఆయన పేర్కొన్నారు. కాంగ్రెస్ పార్టీ అబద్ధపు హామీలతో ప్రజలను మోసం చేసిందని విమర్శించారు.

ఏకకాలంలో రుణం పొందిన రైతులకు రుణమాఫీ చేసి, వారిని రుణ విముక్తులను చేయాలని మనోహర్ రెడ్డి డిమాండ్ చేశారు. రైతుబంధు నిధులను వెంటనే విడుదల చేయాలని ఆయన ప్రభుత్వాన్ని కోరారు.

మండలంలోని సుమారు 2500 మంది రైతులకు రుణమాఫీ కలగానే మిగిలిందని, ఇది ప్రభుత్వ వైఫల్యానికి నిదర్శనమని ఆయన అన్నారు.