99 రోజుల ప్రజాపాలన ప్రగతి ప్రణాళికలో భాగంగా కుంటాల మండల కేంద్రంలో మారథాన్ రన్ నిర్వహించారు. గ్రామ యువత ఈ కార్యక్రమంలో విశేష స్పందనతో పాల్గొంది.
ఈ మారథాన్ రన్ గ్రామ సర్పంచ్ జక్కుల గజేందర్ ఆధ్వర్యంలో, ఎంపీ ఓ అబ్దుల్ రహీం, పంచాయతీ కార్యదర్శి రాజాబాపు పర్యవేక్షణలో జరిగింది.
నిర్మల్ జిల్లా కలెక్టర్ ఆదేశాల మేరకు నిర్వహించిన ఈ కార్యక్రమానికి యువత ఉత్సాహంగా స్పందించింది. వారు ఆరోగ్య పరిరక్షణకు వ్యాయామం, నడక, మరియు పరుగులు ఎంత అవసరమో చాటారు.
నిర్వాహకులు క్రీడలు, వ్యాయామం శారీరక దృఢత్వాన్ని మరియు మానసిక ఉల్లాసాన్ని పెంచడంలో ఎంతో దోహదపడతాయని తెలిపారు.
సర్పంచ్ జక్కుల గజేందర్ మాట్లాడుతూ, ప్రజాపాలన కార్యక్రమాలు ప్రజల ఆరోగ్యం మరియు జీవనశైలిలో మార్పులకు దోహదపడేలా ఉండాలని తెలిపారు.
