ముధోల్, 2026-08-14
గ్రామ గ్రామాన సమస్యలను దశలవారీగా పరిష్కరిస్తూ, గ్రామీణ ప్రాంతాల అభివృద్ధి ధ్యేయంగా ముందుకు సాగుతానని ఎమ్మెల్యే పవార్ రామరావ్ పటేల్ అన్నారు. శుక్రవారం ముధోల్ మండలంలోని ఎడ్ బిడ్ తండాలో రూ.32 లక్షల నిధులతో నిర్మించనున్న జగదాంబ మాత, సేవాలాల్ ఆలయాలకు, రూ.40 లక్షల నిధులతో చేపట్టనున్న గ్రామపంచాయతీ భవనం, మహిళా సమైక్య భవనాల నిర్మాణానికి ఆయన భూమి పూజ చేశారు.
గ్రామ గ్రామాన సమస్యలను దశలవారీగా పరిష్కరిస్తూ, గ్రామీణ ప్రాంతాల అభివృద్ధి ధ్యేయంగా ముందుకు సాగుతానని ఎమ్మెల్యే పవార్ రామరావ్ పటేల్ అన్నారు. శుక్రవారం ముధోల్ మండలంలోని ఎడ్ బిడ్ తండాలో రూ.32 లక్షల నిధులతో నిర్మించనున్న జగదాంబ మాత, సేవాలాల్ ఆలయాలకు, రూ.40 లక్షల నిధులతో చేపట్టనున్న గ్రామపంచాయతీ భవనం, మహిళా సమైక్య భవనాల నిర్మాణానికి ఆయన భూమి పూజ చేశారు.
ఎడ్ బిడ్, కిష్టాపూర్ గ్రామాల్లో పనులు
అదేవిధంగా ఎడ్ బిడ్ గ్రామంలో రూ.30 లక్షల నిధులతో నిర్మించనున్న గోదాం నిర్మాణానికి భూమి పూజ చేసి, రూ.10 లక్షల నిధులతో నిర్మించిన మహిళా సమైక్య భవనాన్ని ప్రారంభించారు. లోకేశ్వరం మండలంలోని కిష్టాపూర్ గ్రామంలో రూ.20 లక్షల నిధులతో నిర్మించిన గ్రామ పంచాయతీ భవనం, రూ.20 లక్షలతో నిర్మించిన మహిళా సమైక్య భవనాలను ప్రారంభించారు.
రోడ్లు, సాగునీటి ప్రాజెక్టులపై హామీ
ముధోల్ మండలంలో రోడ్ల నిర్మాణానికి పెద్ద మొత్తంలో నిధులు వెచ్చించి, పనులు పూర్తి చేశామని ఎమ్మెల్యే తెలిపారు. కనకాపూర్ లిఫ్ట్ ఇరిగేషన్ పనులను త్వరలోనే పూర్తి చేయిస్తామని హామీ ఇచ్చారు.
ఇందిరమ్మ ఇళ్ల మంజూరుపై భరోసా
దశలవారీగా ఇందిరమ్మ ఇళ్లను మంజూరు చేయిస్తానని, లబ్ధిదారులు ఆందోళన చెందవద్దని ఎమ్మెల్యే పవార్ రామరావ్ పటేల్ భరోసా ఇచ్చారు. గత పది సంవత్సరాల కాలంలో ఇళ్ల మంజూరు కాక ప్రజలు ఇబ్బందులు పడ్డారని, అందరికీ ఇళ్లు ఇచ్చే విధంగా చర్యలు చేపడతామని చెప్పారు.
అభివృద్ధి లక్ష్యాలు
గత మూడేళ్ల కాలంలో పెద్ద మొత్తంలో నిధులను మంజూరు చేయించామని, రాబోయే రెండేళ్లలో అనుకున్న లక్ష్యాలను చేరుకునే విధంగా అభివృద్ధి పనులు చేపడతామని ఎమ్మెల్యే తెలిపారు. అభివృద్ధి పనుల ప్రారంభోత్సవ కార్యక్రమానికి వచ్చిన ఎమ్మెల్యేకు గ్రామ ప్రజలు ఘన స్వాగతం పలికారు.
మహిళల సన్మానం
మహిళా సమైక్య భవనాల నిర్మాణం పూర్తయిన సందర్భంగా మహిళలు ఆనందం వ్యక్తం చేస్తూ ఎమ్మెల్యేను సన్మానించారు. ఈ కార్యక్రమంలో మాజీ మార్కెట్ కమిటీ చైర్మన్ రాజేష్ బాబుతో పాటు ఆయా మండలాల నాయకులు, మాజీ ప్రజా ప్రతినిధులు, అధికారులు పాల్గొన్నారు.
