ఇచ్చోడా (మనోరంజని తెలుగు టైమ్స్) జూలై 30
ఆదిలాబాద్ జిల్లా ఇచ్చోడా మండల కేంద్రంలో తీవ్ర డ్రైనేజీ సమస్య నెలకొంది. హైవే పక్కనే కాలువ ఉన్నా, దానికి అనుసంధానంగా సరైన డ్రెయిన్ లేకపోవడంతో వర్షపు నీరు నివాస ప్రాంతాల్లోకి చేరుతోంది. దీనిపై తెలంగాణ రక్షణ సేన (TRS) పార్టీ సోషల్ వర్కర్ షేక్ కలీమ్ స్పందించారు.
ఆదిలాబాద్ జిల్లా ఇచ్చోడా మండల కేంద్రంలో డ్రైనేజీ సమస్య తీవ్రంగా మారింది. హైవే పక్కనే కాలువ ఉన్నప్పటికీ, దానికి అనుసంధానంగా సరైన పెద్ద డ్రెయిన్ లేకపోవడంతో వర్షపు నీరు నేరుగా నివాస ప్రాంతాల్లోకి చేరుతోంది. దీంతో స్థానిక ప్రజలు తీవ్ర ఇబ్బందులు ఎదుర్కొంటున్నారు.
ఈ సమస్యపై తెలంగాణ రక్షణ సేన (TRS) పార్టీ సోషల్ వర్కర్ షేక్ కలీమ్ స్పందించారు. సంబంధిత అధికారులు వెంటనే చర్యలు తీసుకుని, హైవే పక్కనున్న కాలువకు అనుసంధానంగా శాశ్వత డ్రైనేజీ వ్యవస్థను నిర్మించాలని ఆయన కోరారు. వర్షపు నీటిని కాలువ వైపు మళ్లించేలా డ్రెయిన్ నిర్మిస్తే వరద ముప్పు తగ్గి ప్రజలకు ఉపశమనం కలుగుతుందని తెలిపారు.
సమస్యను అధికారులు గమనించినప్పటికీ, ఇప్పటి వరకు పరిష్కార చర్యలు చేపట్టకపోవడం పట్ల ఆయన ఆవేదన వ్యక్తం చేశారు. ప్రజల ఇబ్బందులను దృష్టిలో ఉంచుకుని తక్షణమే శాశ్వత పరిష్కారం చూపాలని ప్రభుత్వాన్ని, అధికారులను షేక్ కలీమ్ విజ్ఞప్తి చేశారు.
