వర్ణి, 2026-06-05
తగిలేపల్లి గ్రామానికి చెందిన కాంగ్రెస్ పార్టీ మాజీ సర్పంచ్ వెంకటి హత్యకు సంబంధించిన ఘటనపై వర్ని మండల కాంగ్రెస్ పార్టీ ఆధ్వర్యంలో పాత్రికేయ సమావేశం నిర్వహించారు. ఈ సందర్భంగా హత్య కేసులో నిందితుడైన బక్క నారాయణను కఠినంగా శిక్షించాలని నాయకులు డిమాండ్ చేశారు.
తగిలేపల్లి గ్రామానికి చెందిన కాంగ్రెస్ పార్టీ మాజీ సర్పంచ్ వెంకటి హత్యకు సంబంధించిన ఘటనపై వర్ని మండల కాంగ్రెస్ పార్టీ ఆధ్వర్యంలో మండల కేంద్రంలో పాత్రికేయ సమావేశం నిర్వహించారు. ఈ సందర్భంగా హత్యకు గురైన వెంకటి కుటుంబానికి కాంగ్రెస్ పార్టీ అండగా ఉంటుందని నాయకులు తెలిపారు. హత్య కేసులో నిందితుడైన బక్క నారాయణను కఠినంగా శిక్షించాలని వారు డిమాండ్ చేశారు.
రాజకీయ దుష్ప్రచారంపై ఆరోపణలు
ఇదిలా ఉండగా, ఇటీవల జరిగిన ఘటనను రాజకీయ లబ్ధి కోసం ఉపయోగించుకుంటూ వర్నిబాన్సువాడ ప్రధాన రహదారిపై మాజీ డీసీసీబీ చైర్మన్ పరిగె భాస్కర్రెడ్డి ఆధ్వర్యంలో ధర్నా, రాస్తారోకో నిర్వహించారు. ఈ కార్యక్రమంలో బాన్సువాడ నియోజకవర్గ కాంగ్రెస్ పార్టీ ఇన్చార్జి ఏనుగు రవీందర్రెడ్డిపై అసభ్యకర ప్రచారం, అనుచిత వ్యాఖ్యలు చేశారని కాంగ్రెస్ నాయకులు ఆరోపించారు. కాంగ్రెస్ పార్టీ ప్రతిష్ఠకు భంగం కలిగించేలా వ్యవహరించిన వారిపై పూర్తి విచారణ జరిపి కఠిన చర్యలు తీసుకోవాలని వారు కోరారు.
పోలీసులకు ఫిర్యాదు
ఈ మేరకు ఏనుగు రవీందర్రెడ్డిపై దుష్ప్రచారం చేసిన వారిపై చర్యలు తీసుకోవాలని కోరుతూ పోలీస్స్టేషన్లో ఫిర్యాదు చేసినట్లు కాంగ్రెస్ నాయకులు తెలిపారు. ఈ కార్యక్రమంలో పలువురు స్థానిక కాంగ్రెస్ నాయకులు పాల్గొన్నారు.
