నిర్మల్ జిల్లా సర్పంచుల సంఘం నూతన అధ్యక్షుడిగా నర్సాపూర్ (జి) గ్రామ సర్పంచ్ ఇంద్రకరణ్ రెడ్డి ఏకగ్రీవంగా ఎన్నికయ్యారు. జిల్లా సర్పంచుల సంఘం అధ్యక్షుడిగా బాధ్యతలు స్వీకరించిన ఇంద్రకరణ్ రెడ్డిని ముధోల్ నియోజకవర్గ కాంగ్రెస్ పార్టీ ఇన్చార్జి భోస్లే నారాయణ రావు పటేల్ ఘనంగా సన్మానించి శుభాకాంక్షలు తెలిపారు.
సర్పంచుల సమస్యల పరిష్కారానికి కృషి
ఈ సందర్భంగా ఇంద్రకరణ్ రెడ్డి మాట్లాడుతూ తనను జిల్లా సర్పంచుల సంఘం అధ్యక్షుడిగా ఏకగ్రీవంగా ఎన్నుకున్నందుకు సర్పంచులందరికీ కృతజ్ఞతలు తెలిపారు. అలాగే తన గెలుపునకు కృషి చేసిన ముధోల్ నియోజకవర్గ కాంగ్రెస్ పార్టీ ఇన్చార్జి భోస్లే నారాయణ రావు పటేల్కు ప్రత్యేక కృతజ్ఞతలు తెలియజేశారు. సర్పంచుల సమస్యల పరిష్కారం, గ్రామాల అభివృద్ధి కోసం నిరంతరం కృషి చేస్తానని తెలిపారు.
పాల్గొన్నవారు
ఈ కార్యక్రమంలో మాజీ ఎంపీపీ చంద్రకాంత్, జిలకర సాయిప్రసాద్ తదితరులు పాల్గొన్నారు.
