ముధోల్‌లో పోలీస్ శాఖ ఆధ్వర్యంలో ఉచిత కంటి వైద్య శిబిరం

ముధోల్ ఎస్సై బిట్ల పెర్సిస్ వెల్లడించిన వివరాల ప్రకారం, ఈ ఉచిత కంటి వైద్య శిబిరం ముధోల్ సర్కిల్ పరిధిలోని డ్రైవర్లందరికీ అందుబాటులో ఉంటుంది. సిమెంట్ పరిశ్రమ ట్రాన్స్‌పోర్ట్ డ్రైవర్లు, లారీ అసోసియేషన్ సభ్యులు, ఆటో, స్కూల్ బస్, క్యాబ్ డ్రైవర్లు పాల్గొనాలని సూచించారు.

శిబిరంలో సీనియర్ కంటి వైద్య నిపుణులు డ్రైవర్లకు సమగ్ర కంటి పరీక్షలు నిర్వహిస్తారు. అవసరమైన వారికి ఉచితంగా మందులు, కళ్లద్దాలు కూడా పంపిణీ చేయబడతాయి.

ఈ కార్యక్రమానికి జిల్లా ఎస్పీ జానకి షర్మిల హాజరుకానున్నారు. డ్రైవర్లు ఈ అవకాశాన్ని సద్వినియోగం చేసుకోవాలని, తద్వారా సురక్షిత ప్రయాణానికి దోహదపడాలని ఎస్సై బిట్ల పెర్సిస్ కోరారు.