మానవ సేవే మాధవ సేవ అనే ఆశయంతో పనిచేస్తున్న మే ఐ హెల్ప్ యు ఫౌండేషన్, స్థానిక మోరగుడి గ్రామానికి చెందిన టంగుటూరి చిన్న సుబ్బారెడ్డి అంత్యక్రియలను హిందూ సంప్రదాయాల ప్రకారం గౌరవప్రదంగా నిర్వహించింది. ఈ సేవను పలువురు అభినందించారు.
జమ్మలమడుగు మోరగుడి గ్రామానికి చెందిన టంగుటూరి చిన్న సుబ్బారెడ్డి, రెవెన్యూ శాఖలో డిప్యూటీ తహసీల్దార్గా ప్రజలకు సేవలందించారు. ఆయన ఆకస్మిక మృతితో కుటుంబ సభ్యులు మే ఐ హెల్ప్ యు ఫౌండేషన్ అధ్యక్షుడు అహ్మద్ హుస్సేన్ను సంప్రదించారు.
సమాచారం అందిన వెంటనే ఫౌండేషన్ సభ్యులు స్పందించి, స్థానిక హిందూ స్మశాన వాటికలో హిందూ సంప్రదాయాల ప్రకారం అంత్యక్రియలు పూర్తి చేశారు. కుటుంబ సభ్యులకు అండగా నిలిచి, వారికి మానసిక ధైర్యాన్ని అందించారు.
ఫౌండేషన్ చైర్మన్ మోరే లక్ష్మణరావు ఆధ్వర్యంలో జరిగిన ఈ సేవను స్థానిక ప్రజలు, పలువురు ప్రముఖులు ప్రశంసించారు. ఆపత్కాలంలో స్పందించి, మానవత్వాన్ని చాటుకున్నారని కొనియాడారు.
ఈ కార్యక్రమంలో యాదవ్ సతీష్ కుమార్, నరేంద్ర కుమార్, అహ్మద్ హుస్సేన్, నక్క గురు రాజశేఖర్ వంటి ఫౌండేషన్ సభ్యులు పాల్గొని, అంత్యక్రియల నిర్వహణలో పాలుపంచుకున్నారు.
