బంధువులు ఎవరూ లేని నిరుపేద వృద్ధుడి అంత్యక్రియలను 'మే ఐ హెల్ప్ యు ఫౌండేషన్' సభ్యులు మానవతా దృక్పథంతో నిర్వహించారు. ఈ సంఘటన స్థానికులను ఆకట్టుకుంది.
అన్నవరం ప్రాంతానికి చెందిన వేమిరెడ్డి యల్లారెడ్డి అనే వృద్ధుడు అనారోగ్యంతో మరణించారు. అయితే, ఆయనకు అంత్యక్రియలు చేసేందుకు బంధువులు ముందుకు రాకపోవడంతో స్థానికులు 'మే ఐ హెల్ప్ యు ఫౌండేషన్'ను సంప్రదించారు.
ఫౌండేషన్ టౌన్ ప్రెసిడెంట్ సుబహాన్ సమాచారం అందుకున్న వెంటనే స్పందించి, ఆదివారం హిందూ స్మశానవాటికలో హిందూ సంప్రదాయాల ప్రకారం గౌరవప్రదంగా అంత్యక్రియలు పూర్తి చేయించారు.
ఈ మానవతా సేవను స్థానికులు ప్రశంసించారు. ఫౌండేషన్ చైర్మన్ మోరే లక్ష్మణ్ రావు, టౌన్ ప్రెసిడెంట్ సుబహాన్, సభ్యులు అశోక్ కుమార్, అహమ్మద్ హుస్సేన్, కమల్ భాష ఈ కార్యక్రమంలో పాల్గొన్నారు.
సేవా కార్యక్రమాలు కొనసాగిస్తున్న ఫౌండేషన్, 'శ్రీ అమ్మ శరణాలయం'లోని వృద్ధులకు సహాయం చేయాలనుకునే దాతలు ముందుకు రావాలని కోరుతోంది. సంప్రదింపుల కోసం 82972 53484, 9182244150 నంబర్లను సంప్రదించవచ్చు.
