హైదరాబాద్, 2026-08-06
వివిధ కమిషనరేట్ల పరిధిలో ఇళ్ల తాళాలు పగులగొట్టి దొంగతనాలకు పాల్పడుతున్న ముగ్గురు అంతర్జిల్లా నేరస్థులతో పాటు ఒక చోరీ సొత్తు గ్రహీతను జూబ్లీహిల్స్ జోన్ టాస్క్ఫోర్స్, స్థానిక పోలీసులు సంయుక్తంగా అరెస్ట్ చేశారు. వారి వద్ద నుండి రూ. 12 లక్షల విలువైన బంగారు, వెండి ఆభరణాలు, వాహనాలు, నేర పరికరాలను స్వాధీనం చేసుకున్నారు.
వివిధ కమిషనరేట్ల పరిధిలో వరుసగా ఇళ్ల తాళాలు పగులగొట్టి దొంగతనాలకు పాల్పడుతున్న ముగ్గురు అంతర్జిల్లా నేరస్థులతో పాటు ఒక చోరీ సొత్తు గ్రహీతను జూబ్లీహిల్స్ జోన్ టాస్క్ఫోర్స్, స్థానిక పోలీసులు సంయుక్తంగా అరెస్ట్ చేశారు. వారి వద్ద నుండి రూ. 12,00,000 విలువైన బంగారు, వెండి ఆభరణాలు, వాహనాలు మరియు నేరానికి ఉపయోగించిన పరికరాలను పోలీసులు స్వాధీనం చేసుకున్నారు.
నేర చరిత్ర
పోలీసులు తెలిపిన వివరాల ప్రకారం.. ప్రధాన నిందితుడు దేరంగుల హరిబాబు అలియాస్ నాని గత జూన్ 2026లో జైలు నుండి విడుదలయ్యాడు. బయటకు వచ్చిన వెంటనే తన్నీరు సూర్య, నరాల రాహుల్లతో కలిసి ఒక ముఠాగా ఏర్పడి మళ్లీ వరుస ఇళ్ల దొంగతనాలకు పాల్పడటం ప్రారంభించాడు. నిందితుడు హరిబాబుపై గతంలో 27 కేసులు, సూర్యపై 13 కేసులు, రాహుల్పై 3 కేసులు నమోదు కాగా, వీరిపై పాత నేర చరిత్ర ఉందని పోలీసులు తెలిపారు.
నేరాల వివరాలు
ఈ ముఠా ఇటీవల గౌరారం, సంగారెడ్డి టౌన్, పోచారం ఐటీ కారిడార్, నాగోల్, కుషాయిగూడ, మేడిపల్లి, వనస్థలిపురం పోలీసు స్టేషన్ల పరిధిలో మొత్తం 11 నేరాలకు పాల్పడినట్లు విచారణలో తేలిందని పోలీసులు పేర్కొన్నారు.
అరెస్టయిన నిందితులు
అరెస్టయిన వారిలో దేరంగుల హరిబాబు అలియాస్ నాని (21), నిరుద్యోగి, నివాసం: దయానందం కాలనీ, సూరారం, హైదరాబాద్; తన్నీరు సూర్య అలియాస్ సూరి (22), నిరుద్యోగి, నివాసం: సంతోష్ నగర్, సూరారం, హైదరాబాద్; నరాల రాహుల్ (21), ఇన్వర్టర్ టెక్నీషియన్, నివాసం: మమత నగర్ కాలనీ, నాగోల్, హైదరాబాద్ ఉన్నారు. వీరితో పాటు చోరీ సొత్తును కొనుగోలు చేసిన సబావత్ రవి (27), ఆటో డ్రైవర్, నివాసం: ఆర్టీసీ కాలనీ, మౌలాలీ, హైదరాబాద్ను కూడా అరెస్ట్ చేశారు.
స్వాధీనం చేసుకున్న సొత్తు
నిందితుల వద్ద నుండి 80 గ్రాముల బంగారం, 258 గ్రాముల వెండి (4 జతల పట్టీలు, 1 కుంకుమ భరిణె), 04 మొబైల్ ఫోన్లు, 02 ద్విచక్ర వాహనాలు, నేరానికి ఉపయోగించిన ఐరన్ రాడ్ (01), స్క్రూ డ్రైవర్ (01) స్వాధీనం చేసుకున్నారు. వీటి విలువ సుమారు రూ. 12,00,000 ఉంటుందని పోలీసులు అంచనా వేశారు.
నమోదైన కేసులు
నిందితులు గౌరారం (. . 117/2026), సంగారెడ్డి టౌన్ (. . 270/2026), పోచారం ఐటీ కారిడార్ (. . 390/2026, 393/2026), నాగోల్ (. . 480/2026), కుషాయిగూడ (. . 557/2026), మేడిపల్లి (. . 1038/2026), వనస్థలిపురం (. . 1401/2026) మరియు సూరారం (. . 666/2025, 704/2025, 706/2025) పోలీస్ స్టేషన్లలో నమోదైన కేసుల్లో నిందితులుగా ఉన్నారని పోలీసులు తెలిపారు.
