తానూర్ మండల కేంద్రంలో ముధోల్ మాజీ శాసనసభ్యులు శ్రీ విట్టల్ రెడ్డి గారి జన్మదిన వేడుకలను కాంగ్రెస్ పార్టీ నాయకులు, కార్యకర్తలు, అభిమానులు అత్యంత వైభవంగా నిర్వహించారు. విట్టల్ రెడ్డి గారి పట్ల తమకున్న అభిమానాన్ని చాటుకుంటూ కేక్ కట్ చేసి, ఒకరికొకరు తీపి తినిపించుకుంటూ శుభాకాంక్షలు తెలిపారు.
రోగులకు పండ్లు, పాలు పంపిణీ
జన్మదిన సందర్బాన్ని పురస్కరించుకుని తానూర్ స్థానిక ప్రభుత్వ ఆసుపత్రిలో చికిత్స పొందుతున్న రోగులకు పండ్లు, పాలు పంపిణీ చేశారు. ఈ సందర్భంగా పలువురు సీనియర్ నాయకులు మాట్లాడుతూ... విట్టల్ రెడ్డి గారు పదవులకు అతీతంగా ఎల్లప్పుడూ నియోజకవర్గ ప్రజల శ్రేయస్సే ధ్యేయంగా పనిచేస్తున్నారని కొనియాడారు. భగవంతుని దయ వల్ల వారు నిండు నూరేళ్లు ఆయురారోగ్యాలతో, సంతోషంగా జీవించాలని ఆకాంక్షించారు.
అభివృద్ధి, సంక్షేమ కార్యక్రమాలపై భరోసా
ప్రస్తుతం మాజీ ఎమ్మెల్యేగా ఉన్నప్పటికీ, రాష్ట్రంలో కాంగ్రెస్ పార్టీ ప్రభుత్వం ఏర్పడిన తర్వాత ముఖ్యమంత్రి శ్రీ రేవంత్ రెడ్డి గారి సహకారంతో నియోజకవర్గంలో అనేక అభివృద్ధి సంక్షేమ కార్యక్రమాలకు శ్రీకారం చుడుతున్నారని నాయకులు కొనియాడారు. రాబోయే ఎన్నికల్లో విట్టల్ రెడ్డి గారికి ప్రజలందరూ అండగా నిలిచి, అత్యధిక మెజారిటీతో ఎమ్మెల్యేగా గెలిపించుకోవాలని ఈ సందర్భంగా పిలుపునిచ్చారు.
ఘనంగా వేడుకల్లో పాల్గొన్న నాయకులు
ఈ కార్యక్రమంలో సొసైటీ సింగిల్ విండో చైర్మన్ నారాయణరావు పటేల్, మాజీ జడ్పీ వైస్ చైర్మన్ సాగర్ బాయి రాజన్న, మాజీ జెడ్పిటిసి ఉత్తం భలేరావు, మాజీ ఆత్మ చైర్మన్ పోత రెడ్డి, తానూర్ సర్పంచ్ జాదవ్ సుగంధ మాధవ్ రావు పాటిల్, మాజీ సర్పంచ్ షేక్ అబ్దుల్ గని, మాజీ ఎంపీటీసీ పోశెట్టి, మాజీ సర్పంచ్ సాయినాథ్ పాటిల్ కర్బల, మాజీ ఎంపీటీసీ లచ్చన్న, తొండల, సర్పంచ్ మెరేకర్ మాధవ్, మాజీ సర్పంచ్ హెగ్డేకర్ లక్ష్మన్న, భీమ్ పవార్, తానూర్ సుభాష్ లతో పాటు మండల పరిధిలోని వివిధ గ్రామాల కాంగ్రెస్ పార్టీ మాజీ సర్పంచులు, మాజీ ఎంపీటీసీలు, గ్రామ కమిటీ అధ్యక్షులు మరియు పెద్ద ఎత్తున కార్యకర్తలు పాల్గొన్నారు.
