బక్రీద్ ప్రార్థనలు ప్రశాంతంగా ముగిశాయి; జిల్లా ఎస్పీ పర్యవేక్షణ

బక్రీద్ పండుగ సందర్భంగా జిల్లావ్యాప్తంగా పోలీస్ శాఖ ఆధ్వర్యంలో పటిష్టమైన బందోబస్తును ఏర్పాటు చేశారు. ఎలాంటి అవాంఛనీయ సంఘటనలు చోటుచేసుకోకుండా పోలీసులు అప్రమత్తంగా విధులు నిర్వహించారు. నిర్మల్, భైంసా పట్టణాలలో ప్రార్థనలు సజావుగా ముగిశాయని అధికారులు తెలిపారు.

జిల్లా ఎస్పీ డా. జి. జానకి షర్మిల, ఐపీఎస్ నేరుగా ప్రార్థనా స్థలాలను సందర్శించి, భద్రతా ఏర్పాట్లను పరిశీలించారు. ఈ సందర్భంగా పోలీస్ అధికారులు, సిబ్బందికి అవసరమైన సూచనలు అందిస్తూ, శాంతిభద్రతల పరిరక్షణపై ప్రత్యేక దృష్టి సారించారు.

ప్రార్థనలు అనంతరం, జిల్లా ఎస్పీ నిర్మల్ పట్టణంలో చిన్నారులతో, ముస్లిం సోదరులతో కలిసి పండుగ శుభాకాంక్షలు తెలియజేశారు. వారితో ఆప్యాయంగా సంభాషించి, పండుగ సందర్భంగా ఆనందాన్ని పంచుకున్నారు. ఈ పర్యవేక్షణలో పలువురు ఉన్నతాధికారులు, సిబ్బంది పాల్గొన్నారు.

భైంసా పట్టణంలో కూడా బక్రీద్ ప్రార్థనలు ఎలాంటి ఆటంకాలు లేకుండా ముగిశాయి. పోలీస్ అధికారులు అక్కడి పరిస్థితులను ఎప్పటికప్పుడు పర్యవేక్షిస్తూ, భక్తులకు ఎటువంటి ఇబ్బందులు కలగకుండా చర్యలు తీసుకున్నారు. మొత్తంమీద, జిల్లాలో బక్రీద్ పండుగను ప్రజలు సామరస్యపూర్వకంగా జరుపుకున్నారు.