భైంసా, జూన్ 29
భైంసా పట్టణానికి చెందిన డాక్టర్ నంపల్లి అక్షయ్ కుమార్ దంత వైద్య రంగంలో చేసిన సేవలకు గాను జాతీయ స్థాయి పురస్కారం అందుకున్నారు. ముంబైలో జరిగిన భారతీయ దంత వైద్య సంఘం కార్యక్రమంలో ఆయన అవార్డును సాధించారు. తెలంగాణ, ఆంధ్రప్రదేశ్ రాష్ట్రాల నుంచి ఈ పురస్కారం దక్కించుకోవడం గర్వకారణమని పలువురు అభినందించారు.
భైంసా పట్టణం గణేష్ నగర్కు చెందిన ఉపాధ్యాయుడు నంపల్లి నాగభూషణం కుమారుడు డాక్టర్ నంపల్లి అక్షయ్ కుమార్ దంత వైద్య రంగంలో చేసిన విశిష్ట సేవలకు గుర్తింపుగా జాతీయ స్థాయి పురస్కారం అందుకున్నారు.
ముంబైలో ఆదివారం రాత్రి జరిగిన భారతీయ దంత వైద్య సంఘం జాతీయ స్థాయి చిరునవ్వు పురస్కారాలు–2026 కార్యక్రమంలో సామాజిక ఆరోగ్య ప్రభావ విభాగంలో డాక్టర్ నంపల్లి అక్షయ్ కుమార్ అవార్డును సాధించారు.
వెయ్యికి పైగా ఉచిత దంత ఆరోగ్య శిబిరాలు నిర్వహించడంతో పాటు, లక్షకు పైగా ఉచిత దంత ఆరోగ్య సలహాలు అందించి ప్రజలకు సేవ చేసినందుకు ఈ పురస్కారం లభించింది.
హైదరాబాద్కు చెందిన పార్క్ డెంటల్ కేర్ ఆసుపత్రుల తరఫున డాక్టర్ అక్షయ్ కుమార్ జాతీయ స్థాయిలో ప్రాతినిధ్యం వహిస్తూ ఈ పురస్కారానికి ఎంపికయ్యారు. తెలంగాణ, ఆంధ్రప్రదేశ్ రాష్ట్రాల నుంచి ఇలాంటి ప్రతిష్టాత్మక పురస్కారం సాధించడం గర్వకారణమని పలువురు శ్రేయోభిలాషులు, ప్రముఖులు అభినందనలు తెలిపారు.
