వైశాఖమాసం ప్రారంభం: ఆధ్యాత్మికత, దానధర్మాలకు ప్రతీక

వైశాఖ మాసం ప్రారంభంతో, ప్రజలు చలివేంద్రాలు ఏర్పాటు చేసి, దాహంతో ఉన్నవారికి మంచినీరు అందించే ధర్మాన్ని ఆచరిస్తారు. మంచినీటిని, అన్నాన్ని దానం చేయడం అత్యంత గొప్ప పుణ్యకార్యాలుగా పరిగణిస్తారు.

అక్షయ తృతీయ పర్వదినం ఈ మాసంలోనే వస్తుంది. ఇది లక్ష్మీదేవి అనుగ్రహాన్ని పొందడానికి, అక్షయ ఫలాలను సంపాదించుకోవడానికి ఉద్దేశించినది. ఈ రోజున మహాలక్ష్మీ పూజ నిర్వహించడం, కొంత బంగారాన్ని కొనుగోలు చేయడం వంటి ఆచారాలు పాటిస్తారు.

సింహాచలం లక్ష్మీనరసింహ స్వామికి చందనోత్సవం, బదరీ నారాయణుడు, కేదారనాథుడు వంటి పుణ్యక్షేత్రాల దర్శనాలకు ఈ మాసం శుభప్రదమైనది. నృసింహ జయంతి, హనుమజ్జయంతి వంటి పండుగలు కూడా ఈ మాసంలోనే వస్తాయి.

గౌతమబుద్ధుడు, రామానుజులు, వీరబ్రహ్మేంద్రస్వామి వంటి మహనీయులు ఈ మాసంలోనే జన్మించారు. వైష్ణవాలయాల్లో కల్యాణాలు, బ్రహ్మోత్సవాలు, జాతరలు కూడా ఈ మాసంలో జరుగుతాయి.