మిర్యాలగూడలో వైభవంగా శ్రీ వాసవి కన్యకా పరమేశ్వరి అమ్మవారి జయంతి

ఆదివారం ఉదయం అమ్మవారికి పంచామృతాభిషేకములు, శతచిద్రాకలశాభిషేకములు, నిత్య అలంకారముతో పాటు పాదములకు పంచామృతాభిషేకములు నిర్వహించారు. గణపతి పూజలు, కుంకుమార్చన, తీర్థ ప్రసాద వినియోగం కూడా జరిగింది. దేవత హోమములు, శ్రీ సూక్త హోమములు, పూర్ణాహుతి వంటి కార్యక్రమాలు జరిగాయి.

సాయంత్రం ధూపాసేవ, పల్లకి సేవ, ఉంజల్ సేవ వంటి సాంప్రదాయ కార్యక్రమాలు నిర్వహించారు. ఈ వేడుకలను శ్రీ వాసవి కన్యకా పరమేశ్వరి దేవాలయ కమిటీ సభ్యులైన కర్నాటి రమేష్, విజయకుమార్, కొండూరు రంగయ్య, గౌరు దయాకర్, తెడ్ల జహార్ బాబుల ఆధ్వర్యంలో సమర్థవంతంగా నిర్వహించారు.

తెలంగాణ రాష్ట్ర ప్రభుత్వం వాసవి మాత జయంతిని అధికారికంగా నిర్వహిస్తున్న నేపథ్యంలో, ఎమ్మెల్యే బత్తుల లక్ష్మారెడ్డి అమ్మవారికి పట్టు వస్త్రాలను సమర్పించారు. అనంతరం ఆలయ కమిటీ సభ్యులు ఎమ్మెల్యే, మున్సిపల్ చైర్మన్, వైస్ చైర్మన్ లను సత్కరించారు.

ఈ కార్యక్రమంలో రాజేందర్, పోలిశెట్టి ఎల్లయ్య, చిల్లంచర్ల చంద్రశేఖర్, రంగా శ్రీధర్, గుడిగుంట్ల గణేష్ తదితరులు పాల్గొన్నారు. వీరంతా అమ్మవారిని దర్శించుకుని తీర్థప్రసాదాలు స్వీకరించారు.