అంకాపూర్కు చెందిన ప్రముఖ సామాజికవేత్త రమణ గౌడ్ కుమార్తె వివాహం నిజామాబాద్ జిల్లా కేంద్రంలో బుధవారం ఘనంగా జరిగింది. ఈ వేడుకకు పలువురు రాజకీయ ప్రముఖులు హాజరై నూతన వధూవరులను ఆశీర్వదించారు.
నిజామాబాద్ జిల్లా కేంద్రంలోని హైదరాబాద్ రోడ్ ధర్మారం వద్ద గల పి హెచ్.ఆర్ ఫంక్షన్ హాల్లో జరిగిన ఈ వివాహ వేడుక కుటుంబ సభ్యులు, బంధుమిత్రులు, రాజకీయ ప్రముఖుల సమక్షంలో ఆధ్యాత్మిక వాతావరణంలో వైభవంగా నిర్వహించారు.
అర్మూర్ ఎమ్మెల్యే పైడి రాకేష్ రెడ్డి, నిజామాబాద్ మాజీ జడ్పీ చైర్మన్ దాదాన్నగారి విఠల్రావు, బిర్లా రాంమోహన్, మాజీ జడ్పీటీసీ పులి శ్రీనివాస్, సురేష్ బాబు, మధు గౌడ్, నర్సా గౌడ్, భాస్కర్ గౌడ్ వంటి ప్రముఖులు ఈ వేడుకలో పాల్గొన్నారు.
హాజరైన ప్రముఖులు నూతన వధూవరులను ఆశీర్వదించి, వారి దాంపత్య జీవితం సుఖ సంతోషాలతో వర్ధిల్లాలని శుభాకాంక్షలు తెలిపారు. నూతన దంపతులకు శుభాకాంక్షలు వెల్లువెత్తాయి.
వివాహ వేడుకకు వచ్చిన అతిథులకు ప్రత్యేక ఆతిథ్యం ఏర్పాటు చేశారు. ఈ వివాహ వేడుక విజయవంతంగా ముగిసింది.
