తానూర్ మండల సమాఖ్య కార్యాలయంలో బుధవారం జరిగిన విస్తృత స్థాయి సమావేశంలో స్వయం సహాయక సంఘాల (ఎస్హెచ్జీ) మహిళా ప్రతినిధులు నూతన కార్యవర్గాన్ని ఏకగ్రీవంగా ఎన్నుకున్నారు. ఈ సందర్భంగా జరిగిన చర్చల్లో 2025–26 ఆర్థిక సంవత్సర ప్రగతి నివేదికను సమీక్షించడంతో పాటు 2026–27 సంవత్సర కార్యాచరణ ప్రణాళికపై దృష్టి సారించారు.
నిర్మల్ జిల్లా ఎస్పీ డా. జి. జానకి షర్మిల ఐపీఎస్ బుధవారం భైంసా ఎస్పీ క్యాంపు కార్యాలయంలో నిర్వహించిన గ్రీవెన్స్ డే కార్యక్రమంలో ప్రజల నుంచి ఫిర్యాదులను స్వీకరించి, వాటి పరిష్కారానికి ప్రాధాన్యం ఇచ్చారు. భైంసా సబ్డివిజన్ పరిధిలోని వివిధ గ్రామాల నుంచి వచ్చిన ఆర్జిదారుల వినతులను పరిశీలించి, ప్రతి ఫిర్యాదుపై వెంటనే స్పందించారు.
జిల్లాలో భారత రెడ్క్రాస్ సంస్థ సభ్యత్వ నమోదు కార్యక్రమాన్ని జిల్లా ఉపాధి కల్పన అధికారి విజయలక్ష్మి బుధవారం జిల్లా విశ్రాంత ఉద్యోగుల సంఘ కార్యాలయంలో లాంఛనంగా ప్రారంభించారు. సామాజిక సేవా దృక్పథం కలిగిన వ్యక్తులు, స్వచ్ఛంద సంస్థల కార్యకర్తలు ముందుకు వచ్చి విరాళాలు అందజేసి సభ్యత్వం నమోదు చేసుకోవాలని ఆమె పిలుపునిచ్చారు.
ఖానాపూర్ పట్టణానికి చెందిన మాజీ మున్సిపల్ కౌన్సిలర్ కావలి సంతోష్ కుమారుడు కావలి విశ్వక్ ప్రతిష్ఠాత్మకమైన ఐఐటీ ఖరగ్పూర్లో సీటు సాధించి, ఇటీవల కళాశాలలో చేరినట్లు కుటుంబ సభ్యులు తెలిపారు. ఈ సందర్భంగా కుటుంబ సభ్యులు, బంధుమిత్రులు విశ్వక్ను అభినందించి, ఉన్నత విద్యలో మరిన్ని విజయాలు సాధించాలని ఆకాంక్షించారు.
మండల కేంద్రంలోని ప్రభుత్వ మోడల్ స్కూల్, జూనియర్ కళాశాలలో సమగ్ర శిక్ష ఆధ్వర్యంలో బుధవారం సామాజిక తనిఖీ (సోషల్ ఆడిట్) జరిగింది. పాఠశాల నిర్వహణ, విద్యా ప్రమాణాలు, మౌలిక సదుపాయాలు, నిధుల వినియోగం వంటి అంశాలపై అధికారులు సమీక్షించారు. విద్యార్థులు, తల్లిదండ్రుల అభిప్రాయాలను కూడా సేకరించారు.
ఖానాపూర్ మండలం బాదంకుర్తి గ్రామంలో బుధవారం పట్టపగలు ఓ కిరాణా దుకాణంలో చోరీ జరిగింది. దుండగులు తాళాలు పగులగొట్టి దుకాణంలోకి ప్రవేశించి సుమారు రూ.4 వేల విలువైన సరుకులను అపహరించారు. ఈ ఘటనతో గ్రామంలో ఆందోళన నెలకొంది.
ముధోల్ నియోజకవర్గంలో రైతులకు పంట నిల్వ సౌకర్యాలు మెరుగుపరిచేందుకు ప్రభుత్వం చర్యలు చేపట్టింది. మహాగాం గ్రామంలో 10 ఎకరాల ప్రభుత్వ భూమిలో గిడ్డంగుల నిర్మాణం చేపట్టేందుకు అధికారులు భూమిని పరిశీలించారు. ఎమ్మెల్యే పవార్ రామరావ్ పటేల్ విజ్ఞప్తి మేరకు ఈ ప్రక్రియ ప్రారంభమైంది.
ఢిల్లీలో నీట్ పరీక్ష అంశంపై నిరసన తెలిపిన కాంగ్రెస్ నాయకుడు రాహుల్ గాంధీని పోలీసులు అరెస్ట్ చేయడాన్ని నిరసిస్తూ నిర్మల్ పట్టణంలో మాజీ మంత్రి అల్లోల ఇంద్రకరణ్ రెడ్డి ఆధ్వర్యంలో నిరసన కార్యక్రమం జరిగింది. ఈ సందర్భంగా ప్రజా సమస్యలపై ప్రశ్నించే హక్కు ఉందని, ప్రతిపక్ష నాయకుడి అరెస్ట్ ప్రజాస్వామ్య విలువలకు విరుద్ధమని ఆయన అన్నారు.
ఎమ్మెల్యే పవార్ రామారావు పటేల్ సూచనల మేరకు భూ సర్వే
నిర్మల్ జిల్లా ఎల్ఎఫ్ఎల్ ప్రధానోపాధ్యాయుల ఫోరం జిల్లా ఎన్నికలు జిల్లా కేంద్రంలోని జమె రాత్పేట్ ఉన్నత పాఠశాలలో బుధవారం జరిగాయి. ఈ ఎన్నికల్లో షేక్ షబ్బీర్ అలీ గౌరవ అధ్యక్షులుగా, కారిగం ప్రవీణ్ కుమార్ అధ్యక్షులుగా, సామ దేవేందర్ రెడ్డి ప్రధాన కార్యదర్శిగా ఏకగ్రీవంగా ఎన్నికయ్యారు.
నిజామాబాద్ జిల్లా వేల్పూర్ రెవెన్యూ శివారులోని కుండలిని జ్ఞానయోగి అవధూత శ్రీశ్రీశ్రీ గోవిందగిరి స్వామి దివ్య యోగాశ్రమంలో సప్త భజనలు విజయవంతంగా 7 సంవత్సరాలు పూర్తి చేసుకున్న సందర్భంగా బెంగళూరుకు చెందిన ఆధ్యాత్మిక వక్త శ్రీ రాఘవేంద్ర స్వామి మాట్లాడుతూ, మనసును ప్రశాంతపరిచేవి భజనలే అని, కుటుంబ సమేతంగా పాల్గొనవలసిన సత్కార్యం ఈ సప్త భజన అని పేర్కొన్నారు.
నిర్మల్ జిల్లా కేంద్రంలోని సోఫీనగర్ జనరల్ బాలికల గురుకుల పాఠశాలలో వివిధ తరగతుల్లో ఖాళీగా ఉన్న సీట్లను భర్తీ చేయడానికి దరఖాస్తులను ఆహ్వానిస్తున్నారు. ఆరవ తరగతిలో 4, ఏడవ తరగతిలో 2, ఎనిమిదో తరగతిలో ఒక సీటు ఖాళీగా ఉన్నట్లు పాఠశాల ప్రిన్సిపల్ డేనియల్ తెలిపారు.
కడెం మండలం అంబర్పేట గ్రామంలో నల్ల పోచమ్మ అమ్మవారి విగ్రహ ప్రతిష్ఠాపన కార్యక్రమం గ్రామపంచాయతీ ఆధ్వర్యంలో ఘనంగా జరిగింది. పెద్దమనుషులు, ఆడపడుచులు, గ్రామస్థులు పెద్ద సంఖ్యలో పాల్గొని అమ్మవారి ఆశీస్సులు అందుకున్నారు.
తెలంగాణ యువతకు విదేశాలలో ఉపాధి అవకాశాలను మెరుగుపరిచే దిశగా తెలంగాణ ఓవర్సీస్ మ్యాన్పవర్ కంపెనీ లిమిటెడ్ (టామ్కామ్), కెరీర్ కన్సల్ట్జ్ సంస్థల మధ్య ఒక కీలక అవగాహన ఒప్పందం కుదిరింది. ఈ ఒప్పందం ద్వారా యువతకు నైపుణ్య శిక్షణ, భాషా శిక్షణ, వీసా సహాయం వంటి పలు సేవలు అందుబాటులోకి రానున్నాయి.
తానూర్ మండలం ఝరి ‘బి’ గ్రామంలో మిషన్ భగీరథ అధికారుల నిర్లక్ష్యం కారణంగా వేలాది లీటర్ల తాగునీరు వృథాగా పోతోంది. పైప్లైన్ లీకేజీల వల్ల శుద్ధి చేసిన నీరు వీధుల్లోకి చేరుతున్నా అధికారులు పట్టించుకోవడం లేదని గ్రామస్థులు ఆగ్రహం వ్యక్తం చేస్తున్నారు. ఈ సమస్యపై స్పందించాల్సిన అధికారులు స్పందించకపోవడంతో గ్రామపంచాయతీ సిబ్బంది రంగంలోకి దిగి మరమ్మతులు చేపట్టారు.
ఉపాధ్యాయులు శిక్షణలో నేర్చుకున్న విషయాలను తరగతి గదిలో బోధించాలని మండల విద్యాధికారి (ఎంఈఓ) సంధ్యారాణి అన్నారు. ఖానాపూర్ బాలికల ఉన్నత పాఠశాలలో బుధవారం జరిగిన ఎఫ్.ఎల్.ఎన్. (ఫౌండేషనల్ లిటరసీ అండ్ న్యూమరసీ) శిక్షణా కార్యక్రమంలో ఆమె పాల్గొని ప్రసంగించారు.
నీట్ పేపర్ లీకేజీకి నిరసనగా విద్యార్థులు, కాక్రోచ్ జనతా పార్టీ ఆధ్వర్యంలో నిర్వహిస్తున్న ధర్నాలో పోలీసులు అతి దారుణంగా విద్యార్థులపై లాఠీ ఛార్జ్ చేయడాన్ని మిర్యాలగూడ బీసీ యువజన సంఘం రాష్ట్ర వర్కింగ్ ప్రెసిడెంట్ తిరుమలగిరి అశోక్ తీవ్రంగా ఖండించారు. విద్యార్థుల జీవితాలతో ప్రభుత్వం ఆడుకుంటోందని ఆయన విమర్శించారు.
నిర్మల్ జిల్లా, సారంగాపూర్ మండలంలోని సాయినగర్ తండాలో రూ. 20 లక్షల ప్రభుత్వ నిధులతో మురికి కాల్వ నిర్మాణ పనులు బుధవారం ప్రారంభమయ్యాయి. అయితే, ఈ కార్యక్రమానికి గ్రామ సర్పంచ్ సాంబ్లే సరిత, గ్రామ పంచాయతీ కార్యదర్శి శ్రావణి హాజరు కాలేదు. వారిద్దరి గైర్హాజరీలోనే గ్రామ నాయకులు పనులను ప్రారంభించారు.
నిర్మల్ జిల్లా ఎస్పీ డా. జి. జానకి షర్మిల పర్యావరణ పరిరక్షణ ప్రతి ఒక్కరి బాధ్యత అని పునరుద్ఘాటించారు. భావితరాలకు ఆరోగ్యకరమైన వాతావరణాన్ని అందించేందుకు ప్రతి ఒక్కరూ మొక్కలు నాటి వాటిని సంరక్షించాలని ఆమె పిలుపునిచ్చారు.
ప్రముఖ కవి దాశరధి కృష్ణమాచార్యుల 101వ జయంతి వేడుకలు మిర్యాలగూడ జిల్లా కేంద్రంలోని శాఖ గ్రంథాలయంలో ఘనంగా జరిగాయి. ఈ సందర్భంగా కస్తూరి ప్రభాకర్ మాట్లాడుతూ, తెలంగాణ ఉద్యమానికి దాశరధి అందించిన స్ఫూర్తిని, ఆయన కవిత్వం యొక్క ప్రాముఖ్యతను గుర్తుచేశారు.