తమిళనాడులో విజయ్ టీవీకే ప్రభుత్వంపై కుట్రకు సంబంధించిన సంచలన విషయాలు వెలుగులోకి వచ్చాయి. ప్రభుత్వంలోని 10 మందికిపైగా ఎమ్మెల్యేలను కొనుగోలు చేసేందుకు ఓ కార్పొరేట్ సంస్థ ₹180 కోట్ల వరకు నిధులను కేటాయించినట్లు సమాచారం. ఈ వ్యవహారంలో డీఎంకే ఎమ్మెల్యే సెంథిల్ బాలాజీ, ఆయన తమ్ముడి ప్రమేయం ఉన్నట్లు నిందితులు పోలీసులకు వెల్లడించారు.
బంగాళాఖాతంలో ఏర్పడిన అల్పపీడనం ప్రభావంతో తెలంగాణ, ఆంధ్రప్రదేశ్ రాష్ట్రాల్లో నేటి నుంచి భారీ వర్షాలు కురిసే అవకాశం ఉందని వాతావరణ శాఖ హెచ్చరికలు జారీ చేసింది. రాబోయే రెండు రోజుల్లో ఈ అల్పపీడనం తీవ్ర అల్పపీడనంగా మారనున్నట్లు తెలిపింది.
ప్రపంచ వాతావరణ సంస్థ (డబ్ల్యూఎంవో) ప్రకారం, ఎల్నినో పరిస్థితులు మరింత బలపడి జూలై-సెప్టెంబరు మధ్య ఉగ్రరూపం దాల్చనున్నాయి. ఈ నేపథ్యంలో ప్రపంచ దేశాలు తీవ్ర వాతావరణ మార్పులను ఎదుర్కోవడానికి సిద్ధంగా ఉండాలని ఐరాస సంస్థ హెచ్చరించింది. భారత్లోనూ పరిస్థితి ఆందోళనకరంగా ఉంది.
ఈ ఏడాది కృష్ణా నదికి వరదలు లేక జూరాల ప్రాజెక్టు వద్ద నీటి నిల్వలు గణనీయంగా తగ్గాయి. కృష్ణా నది వెలవెలబోతుండగా, మహారాష్ట్రలో కురుస్తున్న వర్షాలతో ప్రాణహిత మాత్రం పరవళ్లు తొక్కుతోంది. దీంతో ఆయకట్టు రైతులు ఆందోళన చెందుతున్నారు.
రాష్ట్ర ప్రభుత్వం ఏడు రకాల సన్నాలకు మాత్రమే బోనస్ ప్రకటించడంతో వాటికి డిమాండ్ పెరిగింది. ఇదే అదునుగా సీడ్ కంపెనీలు వరి విత్తనాల ధరలను అమాంతం పెంచేశాయి. ఇంధన ధరల పెరుగుదలను సాకుగా చూపుతూ 10 కిలోల బ్యాగుపై రూ.150 నుంచి రూ.200 వరకు అదనంగా వసూలు చేస్తున్నాయి. వరి విత్తనాలపై ప్రభుత్వ నియంత్రణ లేకపోవడమే దీనికి కారణమని రైతులు ఆరోపిస్తున్నారు.
శనివారం, 04-07-2026 నాడు మేష రాశి వారికి ఆకస్మిక ప్రయాణాలు, నూతన ఋణాలు, భూవివాదాలు వంటి చికాకులు ఉంటాయి. వృషభ రాశి వారికి నూతన పరిచయాలు, శుభవార్తలు, ఆర్థిక మెరుగుదల, ఆనందకరమైన గృహ వాతావరణం వంటి సానుకూలతలు కనిపిస్తున్నాయి.
తిరుమలలో భక్తుల రద్దీ తీవ్రంగా ఉంది. శనివారం వైకుంఠంలోని అన్ని కంపార్ట్మెంట్లు నిండిపోయాయి. ఉచిత సర్వదర్శనానికి 15 గంటల సమయం పడుతోంది.
నేడు ఇంగ్లాండ్, భారత్ మధ్య ఓల్డ్ ట్రాఫోర్డ్ వేదికగా రాత్రి 7 గంటలకు రెండో టీ20 ప్రారంభం కానుంది. ఐర్లాండ్తో సిరీస్ ఓటమి, తొలి టీ20 వర్షంతో రద్దు కావడంతో ఈ మ్యాచ్పై ఆసక్తి పెరిగింది. భారత యువ సంచలనం వైభవ్ అరంగేట్రం చేసే అవకాశం ఉంది.
బంగాళాఖాతంలో ఏర్పడిన అల్పపీడనం రానున్న 2 రోజుల్లో తీవ్ర అల్పపీడనంగా మారనుంది. దీని ప్రభావంతో నేటి నుంచి ఉత్తర కోస్తాంధ్రలో భారీ వర్షాలు పడతాయని వాతావరణ శాఖ అంచనా వేసింది. తెలంగాణలోని కొన్ని జిల్లాల్లోనూ భారీ నుంచి అతి భారీ వర్షాలు కురిసే అవకాశం ఉందని తెలిపింది.
తెలంగాణ ముఖ్యమంత్రి రేవంత్ రెడ్డి రాజకీయ ప్రస్థానం ప్రారంభించి 20 ఏళ్లు పూర్తయిన సందర్భంగా, ఆయన తొలిసారిగా గెలిచిన మహబూబ్ నగర్ జిల్లా మిడ్జిల్ లోనే నేడు ప్రత్యేక కార్యక్రమాలు నిర్వహించనున్నారు. ఈ సందర్భంగా రూ.350 కోట్ల విలువైన అభివృద్ధి పనులను ఆయన ప్రారంభిస్తారు.
అస్సాంలో దేశంలోనే తొలిసారిగా మాచా టీ ఉత్పత్తి చేయబడింది. గువాహటిలో జరిగిన వేలంలో ఈ టీ పౌడర్ కిలో రూ.3,000 ధర పలకడం విశేషం. ప్రకాశవంతమైన గ్రీన్ కలర్, ఉమామి ఫ్లేవర్తో ఉండే ఈ ప్రీమియం టీకి మార్కెట్లో భారీ డిమాండ్ ఉంది.
జవహర్ నవోదయ విద్యాలయాల్లో (JNVST) 6వ తరగతి ప్రవేశాలకు సంబంధించిన 2026-27 విద్యా సంవత్సరానికి నోటిఫికేషన్, పరీక్ష తేదీల (టెంటెటివ్ షెడ్యూల్) వివరాలను నవోదయ విద్యాలయ సమితి (NVS) విడుదల చేసింది. తెలంగాణ, ఆంధ్రప్రదేశ్ రాష్ట్రాలకు సంబంధించిన పరీక్షలు మొదటి దశలో డిసెంబర్ 2026లో జరుగుతాయి.
మిర్యాలగూడ నియోజకవర్గంలో 'ప్రగతి సింగిడి.. జనంతో మాట.. పల్లె బాట' కార్యక్రమంలో భాగంగా ఎమ్మెల్యే బత్తుల లక్ష్మారెడ్డి (బిఎల్ఆర్) మిర్యాలగూడ మండలంలోని చిల్లాపురం గ్రామంలో రెండ్రోజులు పర్యటించారు. గ్రామ ప్రజల సమస్యలను నేరుగా తెలుసుకుని, పరిష్కారానికి చర్యలు తీసుకోవాలని అధికారులను ఆదేశించారు.
గత ఏడాది వర్షానికి దెబ్బతిన్న గొట్టి-నర్సాపూర్ కల్వర్టు మరమ్మతు పనులు పూర్తయ్యాయి. దీంతో గొట్టిపటార్ గుండాల, నార్నూర్, ఇంద్రవెల్లి గ్రామాలకు రాకపోకలు సుగమం అయ్యాయి. అధికారులు జేసీబీ సహాయంతో 4 పైపులు, మొరం ఉపయోగించి మరమ్మతులు పూర్తి చేశారు.
కుంటాల మండలంలోని కల్లూర్ కస్తూర్బా గాంధీ బాలికల విద్యాలయం (కేజీబీవీ)లో రూ.74 లక్షల వ్యయంతో చేపట్టనున్న అదనపు మౌలిక సదుపాయాల నిర్మాణ పనులకు అదిలాబాద్ ఎంపీ గోడం నాగేష్, ముధోల్ ఎమ్మెల్యే పవార్ రామారావు పటేల్ శుక్రవారం శంకుస్థాపన చేశారు. గ్రామీణ బాలికలకు నాణ్యమైన విద్య, ఆధునిక వసతులు కల్పించడమే కేంద్ర ప్రభుత్వ లక్ష్యమని ఎమ్మెల్యే తెలిపారు.
స్వాతంత్ర్యం వచ్చి 77 ఏళ్లు గడుస్తున్నా ములుగు జిల్లాలోని అనేక ఆదివాసీ గ్రామాలకు కనీస రోడ్డు, వంతెన సౌకర్యాలు లేక ప్రజలు తీవ్ర ఇబ్బందులు పడుతున్నారు. ముఖ్యంగా వర్షాకాలంలో పరిస్థితి మరింత దయనీయంగా మారుతోంది. నిత్యవసరాల కోసం, వైద్యం కోసం ప్రాణాలను పణంగా పెట్టి వాగులు దాటాల్సిన దుస్థితి నెలకొంది.
కేంద్ ఎన్నకల సంఘం ప్తష్టత్మకం చేపడుతున్న ఎస్ఐఆ్ స్వేలలో న్మల్ జల్ల ప్జలందూ క్యశీలకం పల్ొన వజయవంతం చేయలన ఆమ్ ఆద్మీ ప్టీ (ఆప్) తెలంణ జయంట్ సెక్ెటీ సయ్యద్ హైద్ పలుపునచ్చు. ఈ సంద్భం మట్లడుతూ, ఓటు జబతల పటష్టత, పద్శకత కోసం ఈ స్వే ఎంతో కీలకమన తెలపు.
భైంసాలోని కస్తూర్బా గాంధీ బాలికల విద్యాలయం (కేజీబీవీ)లో నాబార్డ్ పథకం కింద రూ.80.05 లక్షల వ్యయంతో నిర్మించనున్న అదనపు డార్మిటరీల నిర్మాణ పనులకు అదిలాబాద్ ఎంపీ గోడం నాగేష్, ముధోల్ ఎమ్మెల్యే పవార్ రామారావు పటేల్ శుక్రవారం శంకుస్థాపన చేశారు. గ్రామీణ ప్రాంత బాలికలకు మెరుగైన వసతి సౌకర్యాలు కల్పించడమే లక్ష్యమని ఎమ్మెల్యేలు తెలిపారు.
పిల్లల ఆరోగ్యంపై స్టింగ్ ఎనర్జీ డ్రింక్ దుష్ప్రభావాలపై ఆందోళనల నేపథ్యంలో, మహారాష్ట్ర ప్రభుత్వం కీలక నిర్ణయం తీసుకుంది. పాఠశాలలకు 500 మీటర్ల పరిధిలో ఈ ఎనర్జీ డ్రింక్ అమ్మకాలను నిషేధిస్తున్నట్లు అసెంబ్లీలో ప్రకటించింది.
బైంసాలో శుక్రవారం జరిగిన కార్యక్రమంలో హిందువాహిని నాయకుడు ఆకుల రంజిత్ భారతీయ జనతా పార్టీ (బీజేపీ)లో చేరారు. అదిలాబాద్ ఎంపీ గోడం నాగేష్, ముధోల్ ఎమ్మెల్యే పవార్ రామారావు పటేల్ సమక్షంలో ఆయన పార్టీ కండువా కప్పుకున్నారు.