సారంగాపూర్‌లో రైతుల విద్యుత్ తీగల సమస్య పై వినతి

రైతులు విద్యుత్ శాఖకు అందజేసిన వినతిపత్రంలో, గ్రామ శివారులోని వ్యవసాయ భూముల మీదుగా వెళ్లే విద్యుత్ లైన్లు ప్రమాదకరంగా తక్కువ ఎత్తులో ఉండటం వల్ల వ్యవసాయ పనులకు ఇబ్బందులు ఎదురవుతున్నట్లు తెలిపారు.

ట్రాక్టర్లు మరియు వ్యవసాయ యంత్రాలు పొలాల్లో పనిచేసేటప్పుడు ప్రమాదం జరిగే అవకాశం ఉందని ఆందోళన వ్యక్తం చేశారు. విద్యుత్ తీగలు పాతబడడం, కొన్నిచోట్ల వంగిపోవడం వల్ల ప్రాణాలు, ఆస్తులకు ముప్పు ఏర్పడుతోందని రైతులు చెప్పారు.

రైతులు వెంటనే విద్యుత్ శాఖ అధికారులు సమస్యను పరిశీలించి, తీగలను ఎత్తుగా ఏర్పాటు చేయడం లేదా మరమ్మతులు చేపట్టాలని కోరారు. ఈ కార్యక్రమంలో భారతీయ కిసాన్ సంఘ్ నాయకులు మరియు రైతులు పాల్గొన్నారు.